يالله ياخالـق احـرار وشياهـيـن............................... يارافـعً سبـعً ومنشـي سحابـه
ياجاعلً عبدك من الطيـن للطيـن............................ يامـودعً شيطـان عبـدك عذابـه
يالله طالبك العفو مـع هـل الديـن............................. يومً على المخلوق حـزن وكآبـه
وخـلاف ذا ياطالبيـن البراهيـن............................... ياللي جهلكم معمـي اللـي حكابـه
يالايمين اللي يحـب لـه ملاييـن............................... صرتو مثل من شاطـروه بزهابـه
بهيم في حب التميمي على الزيـن........................... يامـودع الرحمـه بقلبـه تهابـه
ياكيف ابرحـم دام فينـا سلاطيـن............................... ودام الفعل مايحتمـل كـود لابـه
لي لابةً لـو رجحـت بالموازيـن............................... تجعل شعوب الكون وزن الذبابـه
ربعي تميم اللي على العسر والليـن.......................... وافين يوم النـاس سـرق ونهابـه
وكان المفاخر يوم حرب المياديـن........................... حنا ظلام الكـون شـر وصلابـه
وكان المفاخر يوم حرب الشياطين.......................... حنا سهوم الموت شيـب وشبابـه
وكان المفاخر مثل شعل البراكيـن........................... حنا عـذاب الارض نـارً سطابـه
وكان المفاخر لعن جـد المعاديـن............................ اسأل بلاد الفرس وش هو مصابـه
وكان المفاخر رحم ضعف المساكين........................ اسأل بنات الـوأد واسـأل ترابـه
منهو اللي يـوم جهـل المجانيـن.............................. يفدى بنات الناس ستـر ورحابـه
وكان المفاخر وقت عـز النبييـن............................. حنا حصون الدين وحنا الصحابـه
وحنا حضون العز وحنا عزيزيـن........................... وحنا علاج الكفـر طـب وطبابـه
وكان المفاخر زود عـد النياشيـن............................. ياكـم شيـخً ورث اهلـه صوابـه
وكان المفاخر جلسةً فـوق زليـن............................. وحلو البيوت وحلو اهـل الخطابـه
وشيخة مجالس مابها كـود شييـن............................. زين المظاهـر ثـم حسـدً نشابـه
سلم على ربـع المعـزه سلاميـن............................. سـلام عـزً مـع سـلامً عزابـه
لكن ترى المفاخر يبقـى عناويـن............................ لأهل الفخر واهل المعـزه ركابـه
حنـا تميـم وللمفاخـر ميـاديـن............................... ومن فيه شكً جابه المـوت جابـه
القصيده لدواس المفيد التميمي
